Skeggkræ (bustsilvurfiskur)

Ctenolepisma longicaudata

Skeggkræ, ella bustsilvurfiskur, líkist vanligum silvurfiski, men er ikki tað sama.

Skeggkræ eru myrk á liti, og eru vanliga 1-3 cm til støddar. Skeggkræ hava long horn (antennur) báðar vegir, og tey klára at ganga uppeftir veggjum.

Silvurfiskur er sum navnið sigur, ljóst silvurlittur, og heldur seg bara á gólvum har fukt og hiti eru. Hann er fyri tað mesta frammi, tá ljósið er sløkt.

Skeggkræ eru meira líkasæl um tað er heitt, kalt, myrkt, ljóst, fuktigt ella turt – og tískil nørast tey allastaðni har tey fáa frið.

Fleiri fólk taka feil av silvurfiski og skegkræ, og royna so at týna skegkræ við silvurfiskaeituri. Hetta ger bara ilt verri, tí skeggkræ eru meira mótstøðufør fyri eituri, enn silvurfiskarnir eru. So ístaðin fyri at gera av við skeggkræ, styrkist immunverjan og tað ger at tey verða uppaftur verri at sleppa av við.

Vit hava týnt skriðkykt av alskyns slag síðan 2016, og hava servitan innan týning av skeggkræ, eins og silvurfiskum.

Mannagongdin fyri týning av skriðkyktum er, at kundin setir seg í samband við okkum. Vit avtala so eitt tíðspunkt til viðgerð móti skriðkyktunum. Tá týnarin møtir á adressuni, má ymiskt verða klárgjørt frammaundan. Týnarin má sleppa til allar gólvlistar í øllum rúmum í húsinum/bygninginum. Møblar so sum skankar o.l sum standa inn móti veggjum uttan bein, mugu dragast einar 20 cm útfrá veggjunum, og kassar, eskjur o.a má ikki verða undir sengrum. (hetta fyri at sleppa til gólvlistarnar).

Vit byrja vanliga eina viðgerð fyrrapart, og so kann húsfólkið taka húsini í brúk aftur um 17.00 tíðina, sama dag.

Byrjað verður við ovastalofti. Vit brúka eina tokumaskinu sum blæsir mikropartiklar við hátrýst, sum ger at evnini seta seg á allar flatur. Tað ger onki um órudd o.a er á ovastalofti, tí evnini spjaða seg allastaðni.

Síðani verður loftshæddin viðgjørd. Vit loysa stikkontaktir frá, og koyra eiturevni inn í veggirnar, og montera alt aftur aftaná. Okkara umboð sum ger hetta, er útbúgvin elektrikari. Síðani verða lofts- og gólvlistar viðgjørdir, eins og allar gáttir, sprekkur og foyrir.

Miðhæddin verður viðgjørd eins og loftshædd, og viðgjørt verður eisini undir køks sokkuli og wc siternu (um slíkar eru).

Kjallari, um hesin er ráður, verður mannagongdin sum á ovastalofti. Er kjallari innrættaður, verður viðgjørt sum í hinum hæddunum.

Tvíhús, randarhús, íbúðarblokkar v.m kunnu eisini viðgerast, men tá má vissa verða um at skriðkykt ikki eru inni hjá grannanum. Um grannaíbúðin hevur skriðkykt, fara hesi fyrr ella seinni at finna vegin inn til tykkara eisini. Tí verður viðmælt, at grannar í íbúðarblokkum eisini eru varug við skriðkyktini.

Vit veita garanti fyri týningini. Um so verður at skriðkyktini ikki eru burtur innan 5 vikur, gera vit eina ókeypis endurviðgerð.

Evnini eru ikki vandamikil fyri fólk og fýrbeint húsdjór, tá tey eru tornað.

Undir viðgerðini, má ongin verða inni í húsinum.

Hevur tú tørv á hjálp fyri at sleppa av við skeggkræ ella onnur skaðadjór?